<?xml version="1.0" encoding="UTF-8"?><song><time_sig>L.M. (8.8.8.8.)</time_sig>
<lyrics>[V1]
 Pi okcha̱ya ta̱kla kak osh
 Ilbʋshʋt il aiashʋshke;
 Hatak nanta fehna hokʋt
 Ik yohmo hosh ahanta wa.

[V2]
 Hatak e puyuta hokʋt,
 Ʋba Piki Chihowa ya̱
 Il i̱ yoshoba fehna hosh,
 Yakohmit pilbaiyʋshʋshke.

[V3]
 Anumpa holitopa ya̱
 Kobʋffit e kaiyanchi hosh,
 Na̱ palʋmmi ilaiyuka
 I̱l il onohonchi hoke.

[V4]
 Ʋba anumpuli yokʋt
 Ilbʋsha fehna tuk kia,
 Illikmʋt, yakni ʋba ya̱
 Ont ai ahanta hi oke.

[V5]
 Nana im palʋmmi tuk ʋt
 Ithana he keyu hoke;
 Amba Chisʋs i̱ bili̱ka
 A yukpa na bilia he.

[V6]
 Chihowa im anumpa ha̱
 Ik im antiyo chatuk ʋt,
 Ilbaiyʋshʋt illi hoh kia
 Yʋmmʋt im ai ʋhli keyu.

[V7]
 Ilbʋsha kʋt moyuma hosh
 Aiokpuloka fehna ka
 Anukhʋmmit, issikkopʋt,
 Aiasha na bilia he.</lyrics>
<title>End of the Righteous and of the Wicked ƲIT58</title>
<hymn_number>58</hymn_number>
<aka>Pi okcha̱ya ta̱kla kak os, &quot;In this world ye shall have tribulation.&quot;</aka>
</song>